De si mir de ändlech im Schlafzimmer acho u ou das het wunderschön usgseh - a dä Reagänzglesli mit Rose dinne hani am meischte Fröid (merci vieu mau Ändle) - mir bhaute die u bis hüt sie d Röseli no schön!

Über aues wietere wird hie nid brichtet! ;-)

Bevor mir ids Bett hei chönne hei mir zersch no ä haub Stung Bächerli gläärt (ä auti Idee, aber immer wieder luschtig!) - äs het guet usgseh u trotzdäm mir isch gseit worde, mir lö das la si hani irgendwie Fröid gha drane - merci Simi u Kusi u wär au immer mit dene Bächerli verwicklet isch gsi!

Wo mir am Samschtigmorge früeh vo üsem Hochzytsfescht si hei cho, hei mir wunderschöni Dekoratione vorgfunge - merci aune wo därbi si gsi u faus öber vo öich mau ä Wedding-Planerin brucht, wüsst ig de grad ä gueti Adrässe!

Hie inne möchte mir üs scho mau generell für aui die viele Gschänk zu üsere Hochzyt bedanke! Mir hei ä wahnsinnige Gschänktisch i üsere Wohnstube u ds uspacke vo au dene Gschänk isch wunderschön gsi - äs het üs sehr grührt. U die Wyflasche wo üsi Hochzyts-gescht baschtlet hei sie geniau - danke, danke, danke scho mau.

Jetz baschtle mir de gli mau a üsne Dankeschärtli - häbet no chli Gedued.

Ändlech chume ig därzue, nach üsem wunderschöne Hochzytsfescht wieder mau i mi Blog öppis zschriebe! Ig ha mi entschiede, dass ig mit däm Blog wietermache, schliessläch gits immer wieder ä Schwank us üsem Läbe ds verzeue. Drum aui wos interessiert ab und zue inne luege, würd mi sehr drüber fröie! U aui wos nid interessiert eifach dusse bliebe ;-)

De bis gli hie inne - Karin Schneeberger