Vor luter Ereignis ir letschte Zyt hani ganz vergässe, dass mir ja no mit Fründe Siuveschter gfieret hei, bi beschter Stimmig u schönschtem Wätter ds Meiringe. Cool u luschtig isch äs gsi - hie äs paar Impressione:

Schön, isch d Zyt gsi, mit Dir!

26. August 1924 - 26. Januar 2008

Blettere desinteressiert äs Heftli düre u WOW was gseh mini schuehabrichtete Ouge - äs Schuehrad - läck isch das geniau - schad isch jetz d Wunschlischte-Zyt düre ;-) - d Schueh für dri hätt ig ja scho ;-)!!

Juhui, geschtär hani mi Ma vom Spitau chönne go hei hole - jetz isch er ändlech wieder däheime - ig fröie mi sehr! Äs geit ufwärts u jetz bruchts vieu Therapie, Zyt, Gedued u Chraft.

Mi Prinz Martä - härzlech wiukomme zrügg däheime!

Schmatz - Dini Frou

Mim Ma geits scho besser, er isch zwar immer no ds Lausanne im Spitau, aber äs geit ufwärts!

Sini Verletzige si: D Nase broche, d Schultere usgränkt, där Oberam broche, ds Ellbogeglänk verschlage, d Elle broche, där Ungerfuesschnoche broche u drum het er där ganz rächt Arm u ds rächte Bei bis unger ds Chnöi im Gips. Die viele blaue Büle u Fläcke bessere langsam u wächsle chli d Farbe.

Mir geits guet, mir hets nume fasch ds Härz broche ihn so ds gseh!

Mir hoffe, dass er jetz gli hei darf u de würd ig de mini Witerbiudig aus Pflegfachfrou i Agriff näh ;-).