u sis Töchterli.

Ds Julie däheime im eigete Bettli.

... et voilà, das isch üses JULIE - üses gröschte Gschänk!

 

Üsi Tochter Julie isch am Samschtig 14.3.2009 am 18:16 im Salem-Spital ds Bärn uf d Wäut cho. Julie isch 3525 Gramm schwär u 49cm gross. Ds Mami u dr Papi si ungloublech stouz u überglücklech.

... isch äs Zyt Bilanz z'zieh. Äs geit nüme lang u de hei mir üses Spätzli ändlech i dä Arme. Ig ha ä sehr schöni u beschwärdefreii Schwangerschaft dörfe erläbe u ha gar nie richtig Glägeheit gha zum jämmerle - jetz gäge Schluss isch där Buch haut riesig worde u mängisch scho chli müehsam, Schueh, Socke u Hose azlege isch auso asträngend - ig weiss jetz wies mit ämene Bierbuch so isch!

Ig bi im Momänt no am schaffe u solangs mir so guet geit mach ig das ou wieter, däheime warte chani nid, wär mi kennt weiss, dass ig nid sehr geduldig bi!

Wie gseit - ig ha ä sehr schöni Schwangerschaft dörfe erläbe u ou mi het där Mama-Virus natürlech gnadelos erfasst, ig hätt nie dänkt, dass mä setigi Gfüehl für öber cha entwickle wo mä gar nid kennt u ou no gar nie gseh het, mit jedem Zeiche u Klopfe us äm Buch bisch hin- u wäg! Aus Schwangeri wirsch zudäm vo aune sehr verwöhnt u verhätschelet, das muesch gniesse u vorauem mi Ma isch där Hit gsi, möcht ihm ou mau MERCI säge - merci Ma, Du bisch där Bescht! U das schrieb ig nid hie inne wöus no guet tönt!

Ds einzige was mi sehr gstört het, si die unschöne Gschichte vo Todgeburte, dass mä Chinderwäge ersch söu choufe wes Bébé da isch (mä weiss ja nie!), was bire Geburt so aues cha schief gha usw. - das aues wott ä Schwangeri eifach nid ghöre. Trotzdäm hani mir nüt la amerke u ha eifach nume aui schöne Gschichte im Chopf bhaute.

Jetz erwarte mir vouer Fröid üses Bébé, äs söu jetz ändlech cho u mir hoffe uf änes xsungs Ching (das isch ds Auerwichtigschte) u natürlech uf änes Happy-End vo dere schöne Schwangerschaft.

Die schönschti Nachricht auso vielläch scho baud hie - dir ghöret vo üs! LG Mama Schneeberger