Mir hei no d Uslosig vo üsem Gschlächter-Namens-Wettbewärb vorgno, AND THE WINNER IS... auso, mir hei ja äs Meiteli übercho u das hei genau ZWE LADYS tippet, drum überchöme die 2 Froue de grad beidi vo üs äs chlises Gschänkli, irgend einisch überbringe mir de das persönlich - bis denn dir 2 Dame ;-)

Mir gniesse übrigens üsi 2 Meiteli sehr, hei üsi so langsam igläbt u für aui zur Info - där Papi wird vo 3 Froue umschwärmt, er cha säch auso gar nid beklage!!

U no ei Antwort uf äne vieu gsteuti Frag - nei mir säge nid wie ä Bueb gheisse hät, mä weiss ja nie ob mir de dä no mau bruche oder äbe nid, aues gäbe ou mir nid pries (hehehe!)

Auso ar Julie chas nid liege....

Mir lö üs ou bi üsem 2. Bébé la überrasche u wüsse nid obs äs Meiteli oder ä Bueb git.

Drum isch äs jetz wieder Zyt üses Wettbüro ufzmache. D Frag lutet natürlech:

ÜBERCHÖME MIR ÄS MEITELI ODER Ä BUEB?

Du chasch unger Kommentare Di Gschlächtertip abghä, natürlech Di Name nid vergässe. We de üses 2. Spätzli da isch, verlose ig unger aune richtige Tips öppis Chlises.

Faus Du no meh wotsch tippe, chasch ou no ä Namenstip abghä, faus Du ou no där richtig Name würdisch tippe, lade mir Di und Begleitig zumene Nachtässe bi üs i.

Das wär aues, där Rächtswäg isch natürlech ausgschlosse . U für die wo bim erschte Mau bschisse hei, giut ou no Fougendes: Tips wärde nume entgäge gno bis 1 Stung vor Geburt!! 

Jetz isch äs auso sowiet - morn bi ig zrügg ir Arbeitswäut! Muess säge, äs isch mir no grad gar nid drum, chas gar nid gloube, dass jetz mi Mueterschaftsurloub scho värbi isch! Ig ha immer dänkt, so äs haub Jahr göngi de ewigs, aber so schnäu vergeit äbe d Zyt.

Natürlech isch glichzytig morn üsi Meite scho haubjährig - wahnsinnig - mi dünkts sie isch doch ersch grad gschlüpft ;-). Sie geit ab morn je ei Tag zu dä Grosis u dert wird sie sicher schwär verwöhnt u isch dert i sehr guete Häng - aber glich duets mir haut chli weh - na ja aller Anfang ist schwer u da säch jetz de ou gli där Summer verabschiedet, duets de sicher ou mau chli guet usse ds cho. Ds Housefroue-Dasi isch ja ou nid so mini Passion ;-) aber das haube Jahr ha ig mega gnosse u Mama-si isch haut scho där schönscht Job uf där Wäut!

Wär cool we Du morn chli mit mir mitliedisch ;-)