I mim Lieblingsbuech beschriebt säch d Houptdarstellerin immer wieder säuber was sie treit u mit äm Julie chame das ou!

Sie trägt - Oberteil: H+M, Hose: Esprit, Unterwäsche: privat ;-), Schuhe: Converse (merci no mau vieu mau - hei mir übercho!)

Jetz isch üses Meitli scho zwöi Mönät aut (wahnsinnig wie schnäu d Zyt vergeit!) u jetz wo mir ganz guet organisiert u igrichtet si, gniesse ig mis nöie Läbe i voue Züg. Bi zwar vieu lieber Mama aus Husfrou ! Da üses Töchterli fasch jedi Nacht 8 oder 9 Stung schlaft, gits am Morge ersch so uf die haubi 8ti/8ti Tagwach, so überchume ig gnue Schlaf u ha würklech Ferie. D Julie u ig ungernähme sehr vieu zäme, träffe üs mit liebe Fründe u gniesse ds (meischtens) schöne Wätter dusse. Eigentläch si d Täg für üs vieu ds churz u d Wuche gö so schnäu värbi. Aber natürlech fröie mir üs immer no sehr ufs Wucheänd, denn da isch där Papa ou däheime!

Ha mini Tochter scho ids Shopping-Läbe igführt, doch leider isch sie no nid so där Shopper - jedes Mau we ihres Wägeli stiu steiht, um öppis ds luege isch sie gar nid zfriede - aber mir schaffe drane (meh vo däm de äs angers Mau). Chleider u Schueh het ds Julie scho fasch so vieu wie d Mama!!

Drum hoffe mir jetz uf äne superschöne, warme Summer u das no lang nid September isch .

Das si mini Fründe, wo mir uf äm Wickutisch immer Gseuschaft leischte.

P.S. Man beachte auch noch mein bereits vorhandenes Schuhsortiment (ganz oben) - u das isch de nume ä chlini Uswau !

Blettere desinteressiert äs Heftli düre u WOW was gseh mini schuehabrichtete Ouge - äs Schuehrad - läck isch das geniau - schad isch jetz d Wunschlischte-Zyt düre ;-) - d Schueh für dri hätt ig ja scho ;-)!!

No 4 Mau schlafe u när isch dä Tag, wo mir jetz lang drüber gredt hei da! Ig bi (gemäss viele Nachfrage) no nid närvös, mi dünkts um mi ume sie aui vieu närvöser - aber wahrschinlech wirde ig de churz vorhär schono närvös. Ig loufe jetz uf jede Fau scho mau mini Schueh i (ha sie letscht Wuche zum glette agha ;-)